បែកធ្លាយរូបរាងទូរស័ព្ទថ្មី Huawei Mate 10 រួមជាមួយលក្ខណៈពិសេសៗមួយចំនួន
តាមប្រភពបែកធ្លាយបានឱ្យដឹងថា រូបភាពទាំងនេះត្រូវបានថតចេញពីវីដេអូមួយ ដែលបង្កើតឡើងដោយអ្នករចនាម៉ូតទូរស័ព្ទម្នាក់។ នេះគ្រាន់តែជាទូរស័ព្ទគំរូ Huawei Mate 10 មិនមែនជាទូរស័ព្ទពិតទេ។ គេបង្កើតវីដេអូខាងលើនេះដើម្បីឱ្យកាន់តែច្បាស់ថាតើទូរស័ព្ទនេះអាចមើលទៅមានរាងដូចម្តេច។
ការបង្ហាញជាលើកដំបូងនូវអ្វីដែលហាក់ដូចជាស្មាតហ្វូនបន្ទាប់របស់ក្រុមហ៊ុន Huawei គឺ Mate 10 ដែលទើបតែមកដល់ ហើយពួកវាមើលទៅពិតជាស្អាតខ្លាំងណាស់។ Huawei Mate 10 នឹងក្លាយជាទូរស័ព្ទប្រភេទផាប្លេត (Phablet) ផ្ទៃអេក្រង់រាងទេរបន្តិចលើកដំបូងរបស់ក្រុមហ៊ុន ជាមួយអេក្រង់ទំហំ ៦,១ អ៊ីញ គុណភាពរូបភាពប្រភេទ Quad HD ។
ផ្នែកខាងក្រោយបង្ហាញពីពីការដំឡើងកាមេរ៉ាពីរដែលមានកញ្ចក់ Leica ពន្លឺ LED ពីរនិង OIS (ការរក្សាលំនឹងរូបភាពបែបអុបទិក)។ ឧបករណ៍ចាប់សញ្ញា (Sensor) ស្នាមម្រាមដៃត្រូវបានដាក់នៅខាងក្រោមកាមេរ៉ាធំ ដោយសារតែទូរស័ព្ទនេះមិនមានប៊ូតុង Home នៅផ្នែកខាងមុខទេ ហើយក្រុមហ៊ុន Huawei មិនអាចដាក់វានៅក្រោមការអេក្រង់បានទេ។
គួរឱ្យស្តាយ ផ្នែកខាងលើនៃទូរស័ព្ទមិនត្រូវបានបង្ហាញនៅក្នុងរូបភាពទាំងនេះទេ ដូច្នេះវាមិនអាចទៅរួចទេដែលនិយាយថា Mate 10 មានរន្ធដោតអូឌីយ៉ូ ៣,៥ មិលី្លម៉ែត្រ ប៉ុន្តែមានប្រភេទ USB ប្រភេទ C នៅផ្នែកខាងក្រោម រួមជាមួយ Speaker ចំនួន ២។
នៅខាងក្នុង ទូរស័ព្ទ Huawei Mate 10 ត្រូវបានគេនិយាយថានឹងបំពាក់នូវប្រព័ន្ធដំណើរការ Kirin 970 ដ៏មានអនុភាព ជាមួយនឹង RAM ទំហំ ៦GB និងអង្គចងចាំ ៦៤GB ។ ផាប្លេតនេះនឹងត្រូវបានបំពាក់ដោយថ្មកម្លាំង ៤០០០ មិល្លីអំពែរម៉ោង (mAh) ហើយនឹងដំណើរការលើប្រព័ន្ធប្រតិបត្តិការ Android Nougat ថ្មីសន្លាង។
តម្លៃស្មាតហ្វូនលំដាប់កំពូលរបស់ក្រុមហ៊ុន Huawei មួយនេះត្រូវគេរំពឹងថានឹងមានតម្លៃលើសពី ១.០០០ ដុល្លារ ដែលជារឿងគួរឱ្យអស់សំណើចបន្តិច ដូច្នេះយើងគួររង់ចាំព័ត៌មានផ្លូវការចេញពីក្រុមហ៊ុនសិន ចាំជឿជាក់លើតម្លៃចចាមអារ៉ាមនេះ៕
Post a Comment